Takimi i quajtur “Kuvendi i Kosovës dhe Serbisë për normalizimin e raporteve”, do të mbahet sot në Beograd nën organizimin e OJQ-së amerikane Këshilli për Qeverisje Gjithëpërfshirëse (Council for Inclusive Governance).
Dje nga Prishtina për në Beograd kanë udhëtuar 14 deputetë të Kuvendit të Kosovës për të marr pjesë në këtë debat.
Deputetët e Kuvendit të Kosovës, janë përfaqësues të të gjitha subjekteve politike parlamentare. Ata do të përballen gjithashtu me deputetë nga të gjitha grupet parlamentare në Kuvendin e Serbisë.
Konferenca do të ndahet në dy pjesë – në të parën do të do diskutohet për rolin e kuvendeve të Kosovës dhe Serbisë në zbatimin e marrëveshjes nga të dyja palët. Ndërsa, pjesa e dytë do t’i kushtohet rolit të kuvendit për një kontroll më efikase të qeverisë.
