Me sponsorimin e bashkëvendësve tonë vëllezërve Ulaj në fshatin Vuthaj të Plavë-Gucisë për herë të parë u bë vendosja e disa dhjetëra shenjave udhëzuese të drejtimeve dhe të ruajtjes së ambientit.
Është rëndësishme se udhëzuesit që u vendosen sot janë në gjuhën shqipe, siç vërehet edhe nga fotot, sepse në përdorimin emërtimeve në gjuhën shqipe autoritet lokale dhe qendrore të Malit të Zi vazhdojnë me politikat e tyre diskriminuese ndaj shqiptarëve autoktonë, njoftojnë vuthajnët.
Kjo iniciativë e vëllezërve Ulaj u përkrah në mënyrë institucionale edhe nga Kuvendi Komunal i Gucisë.
Nisma e vëllezërve Ulaj cilësohet jo vetëm domethënëse, por edhe e domosdoshme për banorët e këtij lokaliteti dhe vizitorët – turistët e shumtë vendës e të huaj, të cilët kënaqen me bukuritë natyrore këtu.
Është paralajmëruar po ashtu se me iniciativën e vëllezërve Ulaj gjatë ditëve në vijim dhe në bashkëpunim me institucionet Komunale dhe të shkollave të Plavë Gucisë do të pastrohet fshati Vuthaj nga ndotjet me hedhurina.