Një burrë i moshuar i është bashkuar sot protestës së opozitës në Prishtinë. Por mënyra e protestimit të tij ka qenë e veçantë.
Në foton e mësipërme, ai mban në qafë një fotografi të ish-Presidentit të SHBA-ve Bill Clinton. Përveç Clinton-it, ai ka mbajtur edhe plisin në kokë dhe një flamur kombëtar.
Protesta e sotme në Kosovë përfundoi paqësisht. Opozita kërkoi shkarkimin e ministrit të Drejtësisë Hajredin Kuçi dhe dorëheqjen e kryetarit të Gjykatës Kushtetuese, Enver Hasani.
Policia ishte vendosur në gatishmëri, pavarësisht disa incidenteve të organizuara nga mbështetësit e Vetëvendosjes, siç ishte lyerja me bojë të zezë e Gjykatës Kushtetuese.