Nga raportimet më të reja lidhur me shembjen e mbrëmshme të dheut në Rrugën e Kombit thuhet që nuk ka viktima dhe as dëme të tjera.
Rruga në të cilën ka pasur shembje të dheut, është e kalueshme vetëm në njërën anë, ndërkohë që ekipet emergjente janë duke punuar në lirimin e korsisë së dytë të rrugës, e cila për momentin është e bllokuar.
Ashtu siç ishte raportuar më herët, shembja e dheut ka ndodhur dje në mbrëmje dhe ka bllokuar një sipërfaqe prej përafërsisht 50 metrash, duke pamundësuar kështu lëvizjen në këtë rrugë./Kosovapress/