Hussein Javadi ishte reporter, që ka punuar për një nga gazetat iraniane, i cili fatkeqësisht së bashku me një koleg humbi jetën në rrëzimin e aeroplanit të kompanisë “Germanwings” në Alpet franceze.
Javadi, para se të hipte në aeroplan dhe të nisej në fluturimin fatal, bëri një fotografi nga një hotel i Barcelonës.
Në fotografi shihen qartë dritat e dhomës së hotelit në Barcelonë dhe fytyra e tij e qeshur gjersa priste fluturimin.
Natyrisht, ai nuk ishte në dijeni se kjo do të ishte shkrepja e fundit e një fotografie, transmeton Telegrafi.
Hussein ishte një nga 150 viktimat e këtij aksidenti të tmerrshëm, ndërsa ish-kolegët dhe miqtë e tij thonë se sinqerisht do ta ndiejnë mungesën e tij dhe se ishte "një njeri i mrekullueshëm dhe i kujdesshëm".
Mediat franceze kanë raportuar se faji ishte i bashkëpilotit, Andreas Lubitz, i cili qëllimisht rrëzoi aeroplanin e kompanisë "Germanwings".
