Moti i keq në të gjithë vendin ka përfshirë edhe kryeqytetin pasditen e sotme, me reshje të mëdha në formën e breshrit.
Për rreth 5 minuta Tirana u zbardh nga kokrrat e breshrit , që shkonin përafërsisht 1 centimetër. Ende nuk raportohen dëme në kryeqytet, pasi periudha kohore ishte tepër e shkurtër.
Ndërkohë reshjet dhe erërat e forta në kryeqytet kanë shkaktuar disa përmbytje në disa zona, ku ka pasur edhe rrëzime të pemëve. Në Yzberisht, rrëzimi i një peme ka bllokuar trafikun për një kohë të gjatë, der në mbërritjen e policisë dhe zhbllokimin e situatës.
