PDK: Problemet të zgjidhen në formë institucionale

Lajme

PDK: Problemet të zgjidhen në formë institucionale

Më: 30 janar 2015 Në ora: 18:39

Në mbledhjen e Këshillit Drejtues të PDK-së u diskutua për situatën aktuale në Kosovë dhe për zhvillimet brenda PDK-së.

"Në mbledhjen e Këshillit Drejtues të PDK-së, të drejtuar nga kryetari Hashim Thaçi, në të cilën morën pjesë edhe kryetarët e degëve dhe deputetët e Grupit parlamentar të PDK-së, u diskutua për situatën aktuale në Kosovë dhe për zhvillimet brenda PDK-së.

Në mbledhje, nga anëtarët e KD dhe strukturat e pranishme iu dha shtytje dhe mbështetje e plotë proceseve të integrimit të PDK-së në familjen e partive të djathta popullore evropiane.

Po ashtu, në mbledhje u vlerësua përmbyllja e procesit zgjedhor të RDK-së dhe GDK-së dhe përkushtimi për vazhdimësinë e reformave programore të këtyre organizatave brenda PDK-së.

Në rrafshin e përgjegjësive institucionale, PDK do të vazhdojë kryerjen e obligimeve para qytetarëve të vendit për forcimin e shtetit ligjor, zhvillimin ekonomik, përkatësisht reformat ekonomike në vend dhe përmirësimin e gjendjes sociale të qytetarëve të vendit.

Rruga e zgjidhjes së çështjeve shqetësuese për qytetarët e Republikës së Kosovës duhet të jetë formë institucionale, në të kundërtën rrezikohen vlerat tona demokratike dhe perëndimore, që kemi arritur deri tani', thuhet në njoftim.

Sot mund të lexoni Shfletoni kopertinat