OSBE dënon dhunën ndaj gazetarëve në Prishtinë

Lajme

OSBE dënon dhunën ndaj gazetarëve në Prishtinë

Më: 26 janar 2015 Në ora: 20:14

Përfaqësuesja e OSBE-së për Lirinë e Mediave, Dunja Mijatoviq, ka dënuar sulmin ndaj tre gazetarëve, të cilët kanë qenë duke mbuluar protestat e së shtunës në Prishtinë.

Më 24 janar, gazetarja Aleksandra Jovanoviq dhe kameramani, Bojan Koshanin, të dy nga Radio-Televizioni i Kosovës, si dhe gazetari Vladimir Miliq, nga Radio-Televizioni i Serbisë, janë sulmuar nga sulmues të panjohur.

Sipas disa raporteve të mediave, sulmuesit i kanë sulmuar ata me shkopinj dhe gurë dhe po ashtu kanë bërë përpjekje të vjedhin pajisjet e tyre.

“Çdo dhunë kundër gazetarëve është e papranueshme dhe duhet të trajtohet si akt kundër tërë shoqërisë. Incidenti duhet të hetohet me shpejtësit dhe autorët të sillen para drejtësisë”, ka thënë Mijatoviq.

Sot mund të lexoni Shfletoni kopertinat