Si duket Lëvizja Vetëvendosje nuk e ka ndërmend të marshojë në mënyrë të qetë, për të protestuar për shkarkimin e Jabllanoviqit dhe ligjin për Trepçën, ashtu siç kishte paralajmëruar.
Zyrtarë të kësaj Lëvizje, i arsyetojnë protestuesit huliganë, të cilët dhunojnë institucionet e shtetit në mbarë botën.
Kështu ka bërë zëdhënësi i Lëvizjes Vetëvendosje, Erzen Vraniqi, i cili ka shpërndarë një link të një nga protestat e përgjakshme të mbajtura vitin e kaluar në Bruksel.
Link i lajmit mban titullin “Digjet Brukseli”.
“Edhe kjo Evropa veç "mbrapshtë" po na mëson”, ka shkruar Erzen Vraniqi teksa ka shpërndarë linkun.
Ndryshe, Qeveria e Kosovës, i ka paralajmëruar protestuesit të organizuar nga Lëvizja Vetëvendosje, se nesër nuk do të falin asnjë akt vandal gjatë protestës.
