Lajmi më i përfolur në median ndërkombëtare këtë të shtunë është një tjetër listë me sanksione e SHBA ndaj Rusisë.
Këtë herë SHBA ka ndaluar eksportet me Krimenë.
Por një detaj pikant është se në listën e sanksioneve është edhe miku i presidentit rus, Vladimir Putin, Aleksandër Saldostanov.
Ai është drejtues i një bande motoçiklistësh, me emrin “Ujqërit e natës”
Saldostanov njihet me nofkën Kirurgu dhe shihet shpesh në krah të Putinit.
Grupi i tij i motoçiklistëve është shumë agresiv dhe së fundmi ata luajnë rolin e policisë në disa qytete në jug të Ukrainës.
Në listën e sanksioneve, ku janë 24 individë rusë dhe ukrainas, është edhe ai.
Madje në listën e Ministrisë së Financave, 51- vjeçarit i citohet edhe psudonimi, Kirurgu.
Sanksionet parashikojnë që ai të mos ketë të drejtë të udhëtojë në SHBA dhe të mos bëjë asnjë biznes me qytetarë apo firma amerikane.