Ende nuk dihet se kush do e zëvendësojë Hashim Thaçin në postin e ministrit të jashtëm kur lideri i PDK-së të bëhet president i Kosovës në vitin 2016, i ka thënë RTK-së, ish ministri i jashtëm, Enver Hoxhaj.
“Mendoj që kjo është një pyetje e cila mund të gjej përgjigje kur vjen viti 2016”, ka thënë shkurtimisht Hoxhaj kur është pyetur a do të kthehet në postin e kryediplomatit atë vit.
Enver Hoxhaj ka thënë se nuk është bërë pjesë e qeverisë pasi postet ministrore që i janë ofruar kanë qenë të atilla për të cilat ai nuk ka pasur thirrje apo nuk ka pasur pasion.
“S’është e thënë të bëhem patjetër të bëhem ministër”, ka thënë Hoxhaj.
Nënkryetari i PDK-së ka thënë se brenda PDK-së nuk ka pasur debate të ashpra në mes të atyre që janë bërë ministra e atyre që kanë mbetur pa një post qeveritar.