Kreu i shtetit, Bujar Nishani zgjodhi sot ditën e ngritjes së flamurit në Vlorë për të nderuar personalitetet e shquara të pavarësisë, si Isa Boletini, Mujo Ulqinakun, Ymer Dishnicen, Mustafa Gjinishin, Qemal Stafën, kryetarin e Konferencës së Pezës, Abaz Kupin, nacionalistët Lepenica dhe Butka.
Por mes emrave të shquar shqiptarë, dhe kontribuues në pavarësinë e vendit, dallon Jonathan Moore, ish-zyrtari i DASH-it, aktualisht ambasador i OSBE-së në Bosnjë.
Jonathan Moore, për rreth një vit ka qenë drejtor për Evropën Juglindore në Departamentin Amerikan të Shtetit. Ai është i njohur për deklaratat paksa kontraversive dhe afërsinë me Partinë Demokratike dhe ish-kreun e saj, Sali Berisha.
Moore është dekoruar me titullin “Gjergj Kastrioti Skenderbeu”, i vetmi që ka marrë këtë titull, ndërkohë që më poshtë renditen një sërë emrash të tjerë, mes të cilëve edhe komunistë.
Titulli “Nderi i Kombit” i akordohet Ymer Dishnices, Hysni Lepenices ,Safet Butkes, Medar Shtylles , Abaz Kupit dhe Mustafa Gjinishit. Ndërkohë Mujo Ulqinaku dhe Qemal Stafa renditen të fundit në këtë listë dhe titulli i akorduar për ta është “Dekorata e Artë e Shqiponjës”.
Lista e personaliteteve që u dekoruan nga Presidenti Nishani
Titulli i “Flamurit Kombëtar”
1. Isa Boletini
Titulli “Gjergj Kastrioti Skenderbeu”
2. Jonathan Moore
Titulli “Nderi i Kombit”
3. Matteo Mandala
4. Mark Krasniqi
5. Idriz Ajeti
6. Ali Aliu
7. Ymer Dishnica
8. Hysni Lepenica
9. Safet Butka
10. Medar Shtylla
11. Abaz Kupi
12. Mustafa Gjinishi
“Dekorata e Artë e Shqiponjës”
13. Mujo Ulqinaku
14. Qemal Stafa
