Që nga sot, Vitia mund të njihet edhe si “Vitia e Holbrook-ut”. Kështu edhe u cilësua nga folësit në solemnitetin e organizuar me rastin e zbulimit të bustit të ikonës së paqes në Ballkan dhe në botë, mikut të shqiptarëve Richard Holbrrok, busti i së cilit do të jetë i pranishëm në qendrën e qytetit të Vitisë.
Busti këtij tiplomati iu vendos pikërisht, në ditën e falënderimeve amerikane, në shenjë respekti për veprën dhe kontributin e diplomatit Holbrook për popullin e Kosovës dhe në vigjilje të festave kombëtare të nëntorit. Folësit e këtij solemniteti, diplomatin Holbrook, e cilësuan si ikonë e paqes që do të mbetet përgjithmonë i respektuar jo vetëm për popullin e Kosovës, por për të gjithë popujt paqedashës të botës.
E të pranishëm në këtë ceremoni ishin përfaqësues nga jeta publike, të misionit diplomatik e udhëheqës komunash jo vetëm nga Kosova por edhe nga Shqipëria, Maqedonia e Presheva.
Kryetari i komunës së Vitisë Sokol Haliti, ka theksuar se për diplomacinë e tij të palodhur, dashurinë dhe kontributin për paqen, diplomati Holbrook do të konsiderohet si ikonë e paqes në të gjithë botën, e veçanërisht për popullin e Kosovës.
“Jemi bashkë për te nderuar dhe kujtuar figurën emblematike , e cila do te mbahet mend për diplomacinë e tij të palodhur, dashurinë dhe kontributin për paqen – ish Ambasadorin Amerikan Richard Holbooke.
Institucionet Komunale të Vitisë, në mbështetje të qytetarëve të saj , vlerësuan se duke bërë diçka konkrete për diplomatin më të efektshëm të kohës tonë, forcën e së mirës siç e kujtojmë ne, ta nderojnë me një vepër e cila në krahasim me kontributin e tij, le të konsiderohet një vepër modeste por me një mesazhi të madh”, tha kryetari Haliti.
E kryetari I komunës së Gjilanit Lutfi Haziri, theksoi se kjo vepër e madhe e qytetarëve të Vitisë, në nderim dhe respekt të figurës emblematike , të njeriut që i ka shtyrë proceset e mëdha të paqes në Ballkan, ka bërë që emri i tij të lidhët me Kosovën dhe lirinë e saj.
“Sot e tutje Vitia do të njihet si Vitia e Holbrukut falë këtij gjesti dhe ne ju admirojmë dhe jemi bashkë me ju në këtë vepër të madhe dhe ai përgjithmonë do të jeton dhe frymon me popullin e Vitisë dhe gjithë atyre që do vizitojnë Vitinë”tha Haziri. Kujtime nga takimet me diplomatin Holbrook, evokuan edhe Don Lush Gjergji e Gazmend Pula ish
ambasador i Kosovës.
Kurse në pamundësi për të qenë prezent në solemnitet, u lexua letra përshëndetëse e vajzës së diplomatit Holbrook, Elizabeta e cila ndër të tjerash ka falënderuar popullin e Kosovës për këtë vepër. “ Jam e mahnitur me këtë ngjarje dhe për respektin që komuna e Vitisë dhe qytetarët e saj po i bëjnë babait tim të ndjerë dhe familjes sonë". Me vjen shumë keq që nuk mund të marrë pjesë në këtë ngjarje as unë dhe as vëlla im sepse gjendemi shumë larg. Por, shpresoj se së paku të mund të shikoj disa fotografi të kësaj ngjarje e një ditë të vizitojmë bustin e babait në Viti”.
E një letër përshëndetëse u dërgua edhe nga krye- bashkiaku i Tiranës Lulzim Basha. Zbulimin e bustit të diplomatit amerikan Richar Holbrrok në qendër të Vitisë e bënë kryetari I komunës Sokol Haliti, kryetari i Gjilanit Lutfi Haziri e Kaltrina Sylejmani.
