Ministri i Shëndetësisë Ferid Agani sot ka pritur një delegacion të klinikës Este World nga Turqia. Este World është rrjeti më i madh turk i klinikave të kirurgjisë estetike dhe së fundmi kanë hapur klinikën më të madhe në Evropë për ndërhyrje të këtij lloji në Stamboll.
Zyrtarët e kësaj klinike në takim me Ministrin Agani u informuan për specifikat e shëndetësisë së Kosovës, njëherësh ministri Agani i inkurajoi fuqishëm ata që të investojnë në Kosovë, konkretisht në ndërtimin e një klinike të kirurgjisë estetike.
Nga ana e tyre Kagan Ozsaraç dhe Hulya Tufan nga Este World fillimisht paralajmëruan hapjen e zyrës së kësaj klinike në Kosovë dhe më pas thellimin e bashkëpunimit me institucionet e Kosovës dhe fuqizimin e prezencës në tregun rajonal.
Este World pritet që së shpejti të filloj zyrtarisht të operojë në Kosovë nëpërmjet zyrës së vet./BS
