Serbët e Kosovës u "tradhtuan" nga Rusia kur përfundoi lufta në Kosovë! (Video)

Lajme

Serbët e Kosovës u "tradhtuan" nga Rusia kur përfundoi lufta në Kosovë! (Video)

Më: 25 nëntor 2014 Në ora: 13:41

Ushtarët rusë, pas bombardimit të Jugosllavisë në vitin 1999, të parët kanë hyrë në Kosovë, ku serbët pritën si çlirimtarë me lule në duar, por edhe me të shtëna armësh. Forcat e armatosura ruse kanë hyrë të parët në Kosovë më 11 qershor 1999, para ushtarëve të tjerë të KFOR-it.

Ata ishin anëtarë të njësive komando në Bosnjën lindore, SFOR. Shtabi i Përgjithshëm i ushtrisë ruse pohonte se zbarkimi i më hershëm në Kosovë, është bërë për të përgatitur hyrjen e trupave ruse dhe të NATO-s në Kosovë, transmeton Telegrafi. Më 12 qershor, disa dhjetëra automjete ushtarake ruse arritën në Prishtinë, ku u pritën nga rreth dymijë persona, dhjetë orë para se të hynin trupat e tjerë të NATO-s.

Hyrjen e ushtarëve rusë në Kosovë, serbët festuan me të shtëna armësh dhe duke u dhënë lule. Forcat ruse ‘pushtuan’ aeroportin e Prishtinës, e cila ngjalli reagime të mëdha të NATO-s. Pas negociatave për përbërjen dhe funksionimin e misionit të KFOR-it në Kosovë midis SHBA dhe Rusisë, u vendos që trupat ruse të vendosen në disa zona të ndryshme në territorin e Kosovës.

Ndërsa këtë serbët, 15 vite më pas, po e konsiderojnë si një tradhti, pasi që besonin se trupat ruse do t’i ndihmojnë ata të vazhdonin ta kontrollojnë Kosovën.

Sot mund të lexoni Shfletoni kopertinat