Hasani ka bërë dy denoncime të ndara në Policinë e Kosovës për videot dhe tekstet, sipas të cilave ai ka kushtëzuar studentet me marrëdhënie seksuale.
Gjatë ngërçit polik, i cili zgjati për disa muaj, Hasani ka thënë se është kërcënuar, shantazhuar dhe terrorizuar ai dhe familja e tij, shkruan Koha Ditore.
Në denoncimin e bërë në polici ka përmendur figura publike, të cilat kanë dëgjuar zyrtarë të AAK’së duke folur për “shantazhin” që po i përgatitej.
Baton Haxhiu, Dastid Pallaska, Bajram Gecaj, sipas denoncimit të Hasanit, e kishin dëgjuar Ardian Gjinin e AAK’së teksa kishte folur me zë për këtë çështje në një restorant në Prishtinë.
AAK’ja këtij denoncimi iu ka përgjigjur me “non sens”.
Në një video që po qarkullon në rrjetet sociale, një femër rrëfen se si kryetari i Gjykatës Kushtetuese i kishte kërkuar shërbime seksuale një studenteje në këmbim të notës në fakultet. Ajo flet për fjalët banale që Hasani i kishte përdorur në telefonatat me këtë studente. Kjo vajzë ka akuzuar Hasanin se ka një dhomë në hotel “Kalaja” në Vushtrri ku i dërgon vajzat e tjera si kjo studente.
Por Hasani këto publikime i lidh me punën e tij si kryetar i Gjykatës Kushtetuese
