Pavarësisht moskalimit të pragut zgjedhor dhe largimit të fundit të zëvendëskryetarit Dardan Gashi, AKR’ja duhet ta vazhdojë aktivitetin politik në vend.
Kështu ka thënë në një intervistë për “Epoka e re”, zëvendëspresidentja e AKR’së, Mimoza Kusari-Lila. Mungesën e liderit të paritsë, Behgjet Pacolli, ajo e ka arsyetuar se atij i është dashur kohë për të reflektuar për vete dhe për partinë, pas rezultatit jo të mirë të zgjedhjeve.
Kusari-Lila ka mohuar zërat se AKR’ja do të shkrihet ose do t’i bashkohet ndonjë partie tjetër.
“ Do të vazhdojmë edhe me tutje”, është shprehur ajo.
Kusari-Lilala thënë se AKR’ja ka një lider i cili di të sakrifikohet për vendin.
“ Duhet ta përmend sakrificën e z. Pacollit në vitin 2011, ku kriza institucionale në atë kohë nuk ka zgjatur më shumë se dy javë”, ka thënë Kusari-Lila.