Mjetet buxhetore, nga pozicioni i subvencioneve, në Zyrën e Kuvendit të Komunës, do të derdhen në fondin e OJQ “Mundësia”, për blerjen e një mamografi për diagnostifikimin e kancerit në gji tek femrat.
Kështu kanë vendos vet gratë këshilltare në Kuvendin e Komunës të Mitrovicës, pasi që shuma e mjeteve prej 19.700 euro, ishte dedikuar aktivitetet e grupit të grave në KK.
OJQ “Mundësia”, po zhvillon aktivitete të ndryshme e të shumta, për sigurimin e mjeteve, përmes donacioneve e ndihmave të ndryshme, për blerjen e një mamografi për diagnostifikimin e kancerit të gjirit.
Kryetari i Komunës, Agim Bahtiri dhe Kryesuesi i Kuvendit të Komunës, Bislim Imeri e kanë mbështetur këtë nismë të grave këshilltare dhe kanë premtuar edhe mbështetje tjetër nga komuna dhe Kuvendi.
