Deputeti i LDK-së, Arben Gashi, ka deklaruar se posti i kryetarit të Kuvendit nuk duhet të synohet nga LDK-ja, por duhet për t’ia lënë PDK-së.
“Do të ishte mirë që të shikohet kjo punë, se vendi ka hy në bllokadë dhe bllokada është e rrezikshme, edhe ekonomikisht edhe në aspektin e sigurisë. Mendoj se duhet të zgjidhet ky problem. Personalisht kam menduar në vazhdimësi që posti i kryetarit të Kuvendit nuk duhet të synohet nga Lidhja Demokratike e Kosovës, t’i japim hapësirë PDK-së dhe të vazhdojmë përpara”, ka thënë Gashi në emisionin “FORT” në televizionin “Rrokum”.
Gashi ka thënë se ai përkrah koalicionin në të cilin tani është partia e tij.