​Valon Murati: Shqipëria e bashkuar nuk është projekt i ngjashëm me Serbinë e Madhe

Lajme

​Valon Murati: Shqipëria e bashkuar nuk është projekt i ngjashëm me Serbinë e Madhe

Më: 20 tetor 2014 Në ora: 22:59

Valon Murati thotë se ëshrë bërë e zakonshme që kur flitet për bashkimin e Shqipërisë të përdoret termi "Shqipëri e Madhe".
Ai thotë se ky është në gabim konceptual, pasiqë ekzsiton projekti për Serbi të Madhe, por ai është dhe ka qenë një projekt shovinist.

Prandaj, sugjeron Murati, kur flitet për bashkimin e shqiptarëve, nuk duhet të bihet në këtë grackë dhe të flitet për "Shqipërinë e Madhe".

Postimi i plotë:

Shqipëria e bashkuar, nuk është kundërpesha e projektit kriminal politik të Serbisë së Madhe.

"Është bërë e zakonshme, që në raste të trajtimit të konfliktit shqiptaro-serb, të flitet si kundërpeshë e Serbisë së Madhe, koncepti i Shqipërisë së Madhe. Dhe këto dy koncepte vihen përballë me lehtësi edhe nga mediet, politikanët e analistët si në Tiranë (të cilët në këtë drejtim kanë një dozë naiviteti) ashtu edhe në Prishtinë (të cilët shpesh e bëjnë me qëllim). Anash, ekspozimit të hartave, siç ishte edhe ajo në Beograd, asnjëherë, ndër shqiptarë, ndër organizata serioze ilegale e legale, paqësore e çlirimtare, nuk ka qenë në agjendë ideja e Shqipërisë së Madhe. Po, ka pas, dhe do të ketë derisa të realizohet, ide të një Shqipërie të bashkuar, që do të përfshijë shqiptarët, aty ku ata sot janë shumicë dhe kanë vazhdimësi territoriale, dhe jo projekte ku do t’u hyhej të tjerëve në hak. Një Shqipëri e tillë nuk nënkupton spastrime etnike, luftë për territore, por vetëm zbatim të vullnetit të qytetarëve për vetëvendosje. Në anën tjetër, Serbia e Madhe, nuk ka qenë dhe nuk është një projekt që është shfaqur nga tifozët e futbollit në ndonjë baner. Ajo ka qenë dhe është një projekt politik, i kamotshëm, i cili nënkupton që në atë shtet realisht ose serbët të jenë pakicë, ose të bëhet spastrim etnik i një pjesë të mirë të Kosovës, Bosnjë dhe Hercegovinës, Kroacisë, Maqedonisë dhe Malit të Zi. Tifo-grupet serbe janë produkt i këtij projekti. Ai projekt politik, ka shkaktuar luftërat më të tmerrshme që Evropa i ka parë pas Luftës së Dytë Botërore. Dhe ky projekt, ndonëse në shumë pjesë ka pësuar humbje, ka lënë të gjallë farën e nacionalizmit dhe shovinizmit si në Bosnjë dhe Hercegovinë ashtu edhe në Kosovë. Për dallim, nga Serbia e Madhe për të cilën është luftuar dhe për të cilën është shkaktuar edhe gjenocid në fund të shekullit të kaluar, dhe e cila edhe teorikisht dhe praktikisht do të mund të realizohej vetëm me luftë, e siç thamë në të cilën ose serbët do të jenë pakicë ose duhet t’i dëbojnë të tjerët, Shqipëria e bashkuar, është projekt i cili i ka të gjitha gjasat të realizohet nëpër një proces politik, të jetë paqësor dhe stabilizues. Gjithashtu duhet theksuar se në atë krijesë shtetërore, shqiptarët prapë do të ishin 90% të qytetarëve të saj. Andaj nuk guxojmë të biem në këto gracka konceptuale, në të cilat dëshirojnë të na fut shovinizmi serb për ta balancuar të pa-balancuarën. E sidomos kur kjo na vjen nga bartësit këtij projekti kriminal, pasuesit e Millosheviqit e të Sheshelit", thotë ai.

Sot mund të lexoni Shfletoni kopertinat