Zëdhënësi i përjetshëm i Aleancës për Ardhmërinë e Kosovës, Ernest Luma, po e vazhdon betejën e fjalëve me Kryesuesen e Kuvendit të Kosovës, Flora Brovina, e cila tha sot se vetëm ajo e ka të drejtën të thërras vazhdimin e seancës konstituive.
Mirëpo, kjo deklaratë nuk i ka pëlqyer fare Ernest Lumës.
Ai u ka bërë thirrje shumicës së deputetëve të mos heshtin përballë maskaradës së Flora Brovinës.
“2/3 e Kuvendit të Republikës së Kosovës janë përgjegjës, nëse heshtin përballë kësaj maskarade të Florës”, ka shkruar Luma.
Lexojeni të plotë reagimin
MASKARADAVE TË FLORËS DUHET DHËNË FUND INICIATIVA E SHPEJTË E SHUMICËS
(Sa po bëj be’ mos me shkru’ për këtë temë, prapë po ma pëlcasin barkun…)
Kësaj radhe, prapë, Flora. Me margaritarin e saj: “Vetëm unë e thërras seancën”.
Flora dhe krejt ju kapës të shtetit, seancën e thërret kryesia paraprake e Kuvendit. Ajo kryesi e ka bërë këtë. Ti veç flet, formalisht. Nuk ke asnjë tjetër kompetencë. Asnjë.
Flora, nuk është puna jote udhëheqja me Kuvendin e Kosovës.
Kjo, më, nuk është vetëm shkelje e ligjeve dhe e Kushtetutës, por kjo tashmë është dhunim ashiqare i shtetit.
2/3 e Kuvendit të Republikës së Kosovës janë përgjegjës, nëse heshtin përballë kësaj maskarade të Florës.