Presidentja e Republikës së Kosovës Atifete Jahjaga pritet që nesër të niset për në Shtetet e Bashkuara të Amerikës ku do të qëndroj afro 10 ditë.
Në këtë kohë krize politike në vend, ku edhe roli i presidentes është i domosdoshëm për kapërcimin e ngërçit duket se presidentja nuk do të jetë në gjendje të kontribuoj shumë, transmeton zeri.info.
Ajo është e ftuar që të marrë pjesë në Samitin e 69-të të Asamblesë së Përgjithshme të OKB-së.
Takimet e nivelit të lartë do të fillojnë më 22 shtator ndërsa debatet e përgjithshme do të zgjasnin nga 24 deri më 30 shtator.
Kështu për afro 2 javë me radhë presidentja nuk do të jetë prezentë në Kosovë për të përcjellë nga afër situatën politike e aq më pak të kontribuoj në kapërcimin e ngërçit politik.
Ajo ka takuar dhe po vazhdon të takoj sot liderët e partive kosovare para nisjes për në SHBA.
Megjithatë presidentja nuk ka konfirmuar ende nëse përfundimisht do të marr pjesë në këtë samit apo jo pas gjendjes në vend.
