Ka përfunduar seanca në rastin e imamit Shefqet Krasniqit dhe të arrestuarve të tjerë. Atij i është caktuar masa e ndalimit policor për 24 orë, ndërsa prokuroria ka kërkuar që ndaj imamit Krasniqi të ketë masë të paraburgimit.
Krasniqi, pos veprës për nxitje të urrejtjes e mosdurim fetar, akuzohet edhe për pastrim parash.
Avokati i imamit Krasniqi, Bajram Tmava, ka thënë se operacioni për arrestimin e imamit është non-sens dhe se akuzat e prokurorit për pastrim parash dhe nxitje të urrejtjes fetare janë plotësisht të pabaza.
“Ky është veç një spektakël”, ka thënë Tmava.
Vendimi për këtë merret nesër.