Procesi zgjedhor i 8 qershorit në Kosovë është vlerësuar të jetë zhvilluar mirë, por që ende ka vend për përmirësime.
Ambasadori i Norvegjisë në Kosovë, Jan Brathu ka thënë se nuk ka zgjedhje perfektë, madje as në vendin e tij, e as në ndonjë vend tjetër. Por ai tha se duhet të bëhen përmirësime për zgjedhjet e tjera.
Ndërsa, kryetarja e KQZ-së, Valdete Daka, tha se zgjedhje do të ketë në të ardhmen por lutet që të mos ketë shumë shpejtë.
Këto u thanë në një tryezë të organizuar nga KDI-ja, ku është publikuar raporti ‘Zgjedhjet e jashtëzakonshme, sfidat e jashtëzakonshme’.
Në këtë tryezë folën edhe përfaqësues të partive politike, ku partitë opozitare akuzuan partinë në pushtet për blerje votash dhe shfrytëzim të aparatit shtetëror në interesa të partisë.
