Lutfi Haziri tha se është momenti i fundit që Qeveria të kthehet kah Gjilani ose gjilanasit do të gjejnë rrugën e vetë. Nuk ka asnjë sens që 600 milion euro të paguhet rruga për në Shkup kur me vetëm 24 milion euro mund të zgjidhen problemet e qytetarëve të Gjilanit pa asnjë vonesë. Unë nuk do të ndalem deri në rikthimin e vëmendjes së Prishtinës kah Gjilani tha Haziri.
Lutfi Haziri thotë se kur hyri në garën për kryetar të Gjilanit i ka proklamuar katër prioritetet: kanalizimi, tretnani i ujërave të zeza dhe kanalizimet që përfshinë kolektorin e ujërave të zeza, ujësjellësit, rrugët dhe trotuaret.
”Dita e enjte dëshmoj që besimi qytetar në Gjilan është në zgjidhjen e këtyre problemeve jo vetëm për Gjilanin urban, por edhe për fshatrat në Bresalc, Dobërqan, Llashticë, Përlepnicë, Livoq i Epërmë dhe i Poshtëm, Cërnicë, Malishevë, Uglar e Pograxhë dhe fshatrat e tjera” tha Haziri, raporton rajonipress.
Haziri tha se është momenti i fundit që Qeveria të kthehet kah Gjilani ose gjilanasit do të gjejnë rrugën e vetë.
”Nuk ka asnjë sens që 600 milion euro të paguhet rruga për në Shkup kur me vetëm 24 milion euro mund të zgjidhen problemet e qytetarëve të Gjilanit pa asnjë vonesë. Unë nuk do të ndalem deri në rikthimin e vëmendjes së Prishtinës kah Gjilani” tha Haziri.
Ndryshe Haziri të enjten deri vonë në mbrëmje ka qëndruar në teren ku ka ndihmuar familjet që kanë pasur telashe me vërshimet.