Komuna e Prishtinës nuk ka buxhet të mjaftueshëm, dhe si shkak i këtij buxheti, kjo e fundit nuk ka edhe ekipe të mjaftueshme për raste të vërshimeve dhe emergjencave.
Kështu ka deklaruar, drejtori i Shërbimeve Publike, në komunën e Prishtinës, Ardian Gashi, në një intervistë për transmetuesin publik.
Sipas tij, vërshimet që kanë ndodhur në kryeqytet në herën e fundit e po ashtu edhe para kësaj here, kanë shkaktuar më shumë dëme në infrastrukturë, madje siç pohoi ai, kompanitë për mbrojtje dhe shpëtim ende po merren me zhbllokimin e atyre pjesëve që janë të bllokuara.
Ndërsa, i pyetur se a ka nevojë që prishtinasit të përballohen ende me reduktime të ujit, ai tha se dy liqenet janë të mbushura me ujë dhe nuk ka nevojë që të ketë reduktime të mëdha.
