Derisa sipas kopanisë së ujësjellësit rajonal “Prishtina” reduktimet aktuale të ujit janë reduktimet më të mira në historinë e ujësjellësit, ndryshe marrin përgjigje qytetarët kur kërkojnë një gotë ujë në kafiteritë apo restorantet e kryeqytetit.
Po të kërkosh një gotë ujë në Prishtinë, përgjigja që do marrësh të bënë të mendosh se reduktimet e ujit janë më të këqijat gjatë këtyre viteve.
Si duket restorantet kanë gjetur mënyrën për të përfituar, apo, lehtësuar punën vetes me një shërbim pa pagesë mangu.
Andaj, për ata që dëshirojnë të kursejnë zgjidhja më e mirë do ishte të marrim ujin me vete, nuk i dihet, mund të përballemi me ndonjë kafshatë që s’kapërdihet.
