Kosova ende nuk i ka përmbushur kriteret e kërkuara nga Bashkimi Evropian (BE) për liberalizim të vizave, prandaj as këtë vit qytetarët s’do të mund të lëvizin pa viza.
Kështu thonë njohësit e proceseve integruese, të cilët e kanë vlerësuar si të drejtë përgjigjen e komisonares Cecilia Malmstrom dërguar eurodeputeteve Ulrike Lunacek dhe Tanja Fajon në lidhje me kërkesën e këtyre të fundit për përshpejtim të procesit të liberalizimit të vizave për Kosovën.
Pikat më të dobëta të Kosovës në këtë proces janë migracioni dhe azili në vendet e Bashkimit Evropian, sundimi i ligjit dhe luftimi i korrupsionit.
