​Ish-ambasadori serb thotë se progresi në bisedimet me Kosovën këtë vit nuk është realist

Lajme

​Ish-ambasadori serb thotë se progresi në bisedimet me Kosovën këtë vit nuk është realist

Më: 5 mars 2021 Në ora: 20:27
Ognjen Pribiçeviq

Nuk është reale të presësh një lëvizje në negociatat midis Beogradit dhe Prishtinës këtë vit, tha ish-ambasadori i Serbisë në Berlin dhe Londër Ognjen Pribiçeviq për N1.

"Fakti që dialogu vazhdon është i mirë, por nuk mendoj se është realiste të presësh shumë nga ky dialog tani," tha ai.

Pribiçeviq deklaroi se Bashkimi Evropian dhe Shtetet e Bashkuara janë të ngarkuara me probleme të brendshme, ndërsa lideri i Lëvizjes Vetëvendosje, Albin Kurti, tha se negociatat nuk janë përparësi për të dhe votuesit e tij.

Ai tha se çështjet që mund të diskutohen janë problemi i personave të zhdukur, pronësore-juridike dhe ekonomike.

I pyetur në lidhje me emërimin e Molly Montgomery, e cila vjen nga Fondacioni Madeleine Albright, në pozicionin e zëvendës ndihmës Sekretarit të Shtetit për Evropën, Pribiçeviq tha se zgjidhjet personale nuk janë vendimtare.

"Gjëja më e rëndësishme është të mbash ritmin në dialog, edhe nëse është më pak ambicioz," tha ai.

Ndryshe, emisari special i BE-së Mirosllav Lajçak deklaroi ditë më parë se pret vazhdimin e procesit të dialogut me takimin ndërmjet Albin Kurtit dhe presidentit serb Aleksandar Vuçiq para verës. Kurti ka thënë se dialogu nuk është prioritet i parë dhe as i dytë i qeverisjes së tij.

commentFirst article
Sot mund të lexoni Shfletoni kopertinat