Kryeministri i Kosovës, Avdullah Hoti, ka komentuar darkën e emisarit të posaçëm të Shteteve të Bashkuara të Amerikës për dialogun Kosovë-Serbi, Richard Grenell, me krerët e Serbisë, në Beograd.
Hoti ka thënë se agjenda e delegacionit amerikan ishte e tillë, dhe se kjo nuk ka të bëjë me një favorizim të Amerikës ndaj Serbisë.
“Kështu ishte agjenda e tyre, nga Greqia në Kosovë, tani në Serbi dhe në Izrael”, ka thënë ai.
“Po të kishin qëndruar më gjatë, edhe ne do t’i kishim ofruar nikoqirllëkun e nevojshëm”, është shprehur Hoti.
