Pas një sëmundjeje të gjatë dhe të rëndë, sot në moshën 72 vjeçare, u nda nga jeta Prof. Dr. Emrush Gashi, profesor ish-prorektor i Universitetit të Prishtinës.
Varrimi i të ndjerit bëhet sot në orën 16:30 në Varrezat e qytetit të Prishtinës. Në nderim të profesorit të ndjerë, Rektorati i Universitetit të Prishtinës, Fakulteti i Shkencave Matematike Natyrore dhe Departamenti i Matematikës nesër organizojnë një mbledhje të përbashkët komemorative në Sallën e Kuqe të Fakultetit Filologjik.