Qytetarët e Kosovës mund të hyjnë në Mal të Zi vetëm me këtë kusht

Lajme

Qytetarët e Kosovës mund të hyjnë në Mal të Zi vetëm me këtë kusht

Më: 10 korrik 2020 Në ora: 21:38
Qeveria e Malit të Zi të premten mbrëma ka publikuar hartën e Evropës përmes të cilës ka treguar se prej cilave vende mund të hyhet atje

Qytetarët e Kosovës mund të hyjnë në Mal të Zi vetëm nëse prezantojnë testin negativ për koronavirus. Kjo masë është vënë javë më parë, ndërsa është në fuqi ende.

Qeveria e Malit të Zi të premten mbrëma ka publikuar hartën e Evropës përmes të cilës ka treguar se prej cilave vende dhe në çfarë mënyrë mund të hyhet në Mal të Zi.

Banorët e shumicës së vendeve evropiane nuk kanë ndonjë pengesë për të hyrë në Mal të Zi. Qytetarët e Kosovës, Shqipërisë dhe Bosnjë-Hercegovinës mund të hyjnë në Mal të Zi me test negativ PCR, ELISA apo ECLIA.

Në Mal të Zi nuk mund të futen qytetarët e Serbisë, Maqedonisë së Veriut dhe Rusisë. Ndërsa qytetarët e Bjellorusisë dhe Ukrainës mund të hyjnë me miratim të Ministrisë së Turizmit.

commentFirst article
Sot mund të lexoni Shfletoni kopertinat