Meliza Haradinaj -Stublla Ministre e Punëve të Jashtme dhe Diasporës sot është takuar me ish-Kryetaren e Komunës së Preshevës, dhe Kryetaren e Partisë për Veprim Demokratik znj.Ardita Sadiku,transmeton “Bota sot”.
Ajo përmes një postimi të saj në “Facebook” ka shkruar se temë e takimit ishte perspektiva ekonomike, kujdesi shëndetsor dhe respektimi i të drejtave të shqiptarëve atje.
Postimi i saj i plotë:
Uniteti i shqiptarëve në momentet kyçe historike, gjithmonë i ka dhënë jehonë të drejtës dhe sukseseve tona.
Me qëllim të përkrahjes së këtij uniteti, sot takuam edhe ish-Kryetaren e Komunës së Preshevës, dhe Kryetaren e Partisë për Veprim Demokratik znj.Ardita Sadiku.
Perspektiva ekonomike, kujdesi shëndetësor, dhe respektimi i të drejtave të shqiptarëve, dominuan diskutimin tonë.
Ardita është përsonifikim i gruas shqiptare me zë të fuqishëm për kauzën tonë kombëtare.
