50 vjet të martuar, Franca dhe Giuseppe vdesin nga koronavirusi duke u përqafuar me njëri-tjetrin në tokë

Lajme

50 vjet të martuar, Franca dhe Giuseppe vdesin nga koronavirusi duke u përqafuar me njëri-tjetrin në tokë

Më: 10 prill 2020 Në ora: 11:10
Ilustrim

Ai duhej të paraqitej për të bërë testin e tamponit por nuk shkoi. Mungesa e Giuseppe-s 85 vjeçar alarmoi nipin e tij i cili punonte si vullnetar pranë Kryqit të Kuq, i cli vrapoi në shtëpinë e xhaxhait të tij në Oltrona di San Mamette, në Itali.

Atje ai gjeti Giuseppe-n dhe Franca-n, 89 vjeçe, duke u përqafuar njëri-tjetrin në tokë.

Ajo kishte tentuar të ngrihej nga shtrati pas disa ditë me ethe dhe e testuar pozitive nga koronavirusi por ishte rrëzuar në tokë kurse Giuseppe, duke mos mundur ta ngrinte ishte përkulur pranë gruas së tij për ta mbajtur ngrohtë.

Nipi thirri urgjencën dhe i çuan të dy në spital, në Repartin e Urgjencës së Sant’Anna në Como, ku mbetën krah për krah njëri tjetrit deri në fund të jetës.

Teksa i vendosën në shtretër por në dhoma të ndryshme, Giuseppe kërkoi që ta vendosnin në krah të Franca-s, dhe prej atij momenti ai lidhi dorën e tij me atë të gruas për të mos u ndarë më kurrë.

Pas 50 vite martese, ata u larguan nga kjo jetë 48 orë nga njëri tjetri.

Gazeta italiane, Il Giornale, shkruan: Dhoma e tyre e urgjencës është bërë dëshmitare e dashurisë së përjetshme.

commentFirst article
Sot mund të lexoni Shfletoni kopertinat