Gazeta online “Bota sot” është portali më i lexuar shqiptar gjatë muajit mars.
Kështu ka njoftuar vet gazetari i gazetës “Bota sot”, Drilon Rrahmani, i cili merret edhe me statistikat e lexueshmërisë dhe klikimeve të portalit “Bota sot”.
Ai ka shkruar se portali “Bota sot” ka tejkaluar me lexueshmëri edhe “Gazetën Express”, “Telegrafin”, “Koha”, “Indeksonline” dhe portalet e tjera të Shqipërisë.
“Sipas Similarweb, që është faqja më e besuar për krahasimin e portaleve, gazeta “Bota sot” ka pasur 10.17 milionë vizita, duke lënë pas gazetën “Express” me rreth 5 milionë vizita, “Telegrafin” me 3.68 milionë vizita, “Koha”, 1.97 milionë vizita si dhe “Indeksonline” 1.87 milionë vizita”, ka shkruar Rrahmani.
Gazeta online “Bota sot” ka pasur rreth 42 milionë klikime, duke lënë pas portalet tjera në Kosovë si “Express”, “Telegrafi”, “Koha” dhe “Indeksonline”.
“Në bazë të klikimeve, “Bota sot” ka pasur 41 milionë e 716 mijë klikime gjatë muajit mars, duke lënë pas “Expressin” , “Telegrafin” , “Indeksonline” dhe “Koha” , ka njoftuar tutje gazetari Drilon Rrahmani.
Sipas tij, një lexues mesatarisht ka qëndruar në portalin “Bota sot” për 6 minuta e 19 sekonda.
“Sa i përket qëndrimit të lexuesit në portal, “Telegrafi” prinë me 6 minuta e 45 sekonda, pasuar menjëherë nga “Bota sot” me 6 minuta e 19 sekonda, e pastaj nga “Express” me 6 minuta e 2 sekonda, “Indeksonline” 4 minuta e 55 sekonda dhe “Koha” me 4 minuta e 42 sekonda”, thotë Rrahmani.
Të gjitha këto statistika janë nxjerrë nga “Similarweb”, të cilat mund t'i shihni edhe në fotot(screenshoot) më poshtë, të publikuar nga gazetari Drilon Rrahmani.