I zhdukur që gjashtë ditë, Komuna e Preshevës vihet në kërkim të Besnik Osmanit

Lajme

I zhdukur që gjashtë ditë, Komuna e Preshevës vihet në kërkim të Besnik Osmanit

Më: 30 mars 2020 Në ora: 11:46
Besnik Osmani

Besnik Osmani nga Presheva, i lindur me 12.05.1978 në Preshevë, që prej datës 24 mars rezulton i zhdukur.

Siç është bërë e ditur, kontakti i fundit i tij ishte pika kufitare Muçibabë, Kosovë-Serbi rreth orës 17:00.

“Ai ka tentuar të kalojë kufirin në Muçibabë pa sukses rreth orës 17:00. Pas shumë kërkimesh, vetura e tij është gjetur nga banoret e fshatit Muçibabë në rrugë dytësore të fshatit. Dyshohet se ai ka vazhduar në drejtim të Preshevës në këmbë ku edhe janë humbur gjurmët e tij”, është thënë në një njoftim të shpërndarë në rrjetet sociale.

E lidhur me këtë rast, Komuna e Preshevës me kërkesë të familjes Osmani janë vënë në kërkim të Besnik Osmanit.

“Me kërkesë të familjes së Besnik Osmani, i cili rezulton si i humbur, Komuna e Preshevës që pas pranimit të kërkesës së familjes Osmani, ne si komunë dhe si shtab i situatave të jashtëzakonshme jemi marrë që prej ditës së parë me këtë çështje dhe jemi në komunikim te vazhdueshëm me të gjitha institucionet shtetërore të Serbisë dhe të Kosovës dhe duke rezultuar se makina e Besnikut është gjendur në zonën kufitare-neutrale (në Muçibabë), me kërkesën tonë tanimë edhe KFORI me mjetet tokësore dhe ajrore është në teren duke kërkuar Besnik Osmanin”, thuhet në njoftimin e Komunë së Preshevës.

Megjithatë luten të gjithë qytetarët që mund të kenë ndonjë informacion rreth Besnikut le të lajmohen në numrin kujdestar të Shtabit Komunal për Situata të Jashtëzakonshme: 017 71 51 029.

commentFirst article
Sot mund të lexoni Shfletoni kopertinat