Serbia vazhdon provokimet, e nderon me çmim shkrimtarin Peter Handke

Lajme

Serbia vazhdon provokimet, e nderon me çmim shkrimtarin Peter Handke

Më: 16 shkurt 2020 Në ora: 10:04
Peter Handke

Autoritete serbe e kanë dekoruar shkrimtarin austriak dhe laureatin e Çmimit Nobel për Letërsi, Peter Handke për, siç thuhet, “kontributin e jashtëzakonshëm për përfaqësimin e Serbisë në sferën e kulturës”.

Ky veprim pritet të ngjallë reagime në vendet fqinje të Serbisë për shkak të përkrahjes që ky shkrimtar ia kishte ofruar “Kasapit të Ballkanit”, Sllobodan Millosheviq.

“Për Serbinë, ai është një mik i vërtetë, i dëshmuar edhe gjatë momenteve më të vështira”, tha kryetari i Komisionit të Dekoratave, Sima Avramoviq.

“Ai përzemërsisht e mbrojti të vërtetën serbe edhe atëherë kur atij kjo gjë i shkaktoi shumë mosmarrëveshje dhe shqetësime, edhe pasi e fitoi Çmimin Nobel”, shtoi Avramoviqi.

Vendimi i akademisë suedeze për t’ia dhënë çmimin prestigjioz këtij shkrimtari ishte kritikuar ashpër nga disa shtete dhe nga shumë figura të njohura, shkruan “Free Europe”.

Në shenjë proteste, ceremonia e dhurimit të çmimit ishte bojkotuar nga Kosova dhe Bosnja e Hercegovina, transmeton Gazeta Express.

Handke është akuzuar për justifikimin e krimeve të Millosheviqit gjatë luftërave në Ballkan në vitet e tridhjeta.

commentFirst article
Sot mund të lexoni Shfletoni kopertinat