Gazeta serbe “Blic”, në një shkrim të tyre, kanë komentuar dhe transmetuar deklaratat e kryeministrit në largim të Kosovës, Ramush Haradinaj, i cili foli për vrasjen e vëllait të tij, Enver Haradinaj.
Siç transmeton “Blic”, shefi i Aleancës për Ardhmërinë e Kosovës (AAK) Ramush Haradinaj pretendon se vëllai i tij Enveri u vra gjatë një konflikti në pas një skenari të përgatitur nga Serbia.
"Unë mendoj se vrasja e tij ishte pjesë e këtij skenari," tha Haradinaj të dielën në TV Dukagjini, duke shtuar se vrasja kishte për qëllim të mashtrojë familjet shqiptare dhe të nxisë hakmarrje, shkruan "Blic", transmeton “Bota sot”.
Ai gjithashtu pretendon se vëllai i tij Enver kurrë nuk vrau asnjë shqiptar, dhe se ai "luftoi ekskluzivisht kundër Serbisë".
Haradinaj thotë se është e vërtetë që disa shqiptarë vepruan, por që vëllai i tij Enver u vra nën "skenarin serb" dhe se ishte një vrasje politike.
“Ai u vra vetëm sepse ai ishte vëllai im ose i yni. Unë dhe Dauti në atë kohë ishim në burg. Ai u vra për t’u hakmarrë për hakmarrjen ... por askush nga familja jonë nuk vrau një shqiptar. Jo për të porositur, as mbrapa dhe as përpara. Familja jonë ka disa kode nderi të cilave u përmbahemi, ”tha Haradinaj.
Në shkrimin e portalit serb “Blic”, tregojnë se si u vra Enver Haradinaj.
“Enver Haradinaj u vra nga persona të panjohur më 15 prill 2005, ndërsa shoqëruesi Tolja, u plagos. Në pritë u qëllua makina e Haradinaj nga rruga. Enver Haradinaj është vëllai i tretë i vrarë i Ramush Haradinaj, një ish-kryeministër i Kosovës i cili u arrestua nga gjykata e Hagës në kohën e vrasjes së vëllait të tij”, shkruan “Blici” serb, përcjellë “Bota sot”.
