Presidenti i Serbisë, Aleksandar Vuçiq ka thënë se “Serbisë nuk i është ofruar asgjë e ngjashme me idenë e sovranitetit të dyfishtë në veri të Kosovës, prandaj diçka e tillë nuk mund të ndodh as në Berlin”, shkruan “Kurir”, transmeton “Bota Sot”.
"Sovraniteti i ndarë është kategori e drejtësisë që vazhdimisht është problematike, ndërsa i ashtuquajturi sovraniteti i dyfishtë, nuk di çka është dhe çka nënkupton. Por, këtë nuk na e ka thënë askush, as nuk na ka ofruar dhe diçka e tillë nuk mund të ndodh në Berlin", tha Vuçiq në takim me gazetarët në Beograd.
Ai ka nënvizuar se kjo mund të jetë spekulim edhe shpikje e medieve shqiptare.
"Por një gazetë shqiptare shpik diçka të tillë dhe ne pastaj 15 ditë merremi me atë çështje. Çfarë të bëni. Nuk ka asgjë nga ajo punë", ka thënë Vuçiq.