Nuk kam nevojë për gota vere
As shishe xhoni as uiski jo
Mua më deh vetëm aroma jote
E vetmja shije qe shpirti ma do
Ti më deh me vështrimet e tua
Buzëqeshja jote kopshtet lulëzon
Ti më deh me fjalët e ëmbla
E shpirti im vetëm ty të do
Prandaj flaki tej shishet e gotat
Më ler të zhytem në sytë e tua
Të dehem nga prania jote
Se vetëm ty përjetesisht të dua
Vullkan i shuar
Sot nuk mund të të them
As afrohu as largohu nga mua
Ti je një zjarr që më s'më djeg
Tashmë një vullkan i shuar
Sot bëj cfarë të duash
Kapërxe dete fusha e male
Vrapo ti mbas kujt të duash
Dashuro sirena a shtojzavalle
Sot nuk mund të të them
As afrohu as largohu nga mua
Je i lirë të jetosh jetën tënde
E jam e lumtur ta bësh pa mua.
Mos ma shuaj diellin
Provo mbaje diellin në duar
Përsa kohë mund ta mbash ti
I bukuri im a po më thua
Se djeg si dielli e jona dashuri
Por une po e mbaj ne zemer
Ate ndjenje që krijuam unë dhe ti
Të lutem mos ma shuaj diellin
Se frymë s'marr dot pa dashuri
Imazhin tënd do ta mbaj në sy
E përsa kohë ende nuk edi
Të lutem mos ma shuaj diellin
Se bota ime do shuhet pa ty