Ansambli i Egjiptit interpreton në Gjirokastër

Kultura

Ansambli i Egjiptit interpreton në Gjirokastër

Më: 27 maj 2018 Në ora: 14:42
Gjirokastër

Në Gjirokastër, fundjava ofroi një shfaqje kulturore unike për qindra vizitorë që kanë nisur vizitat që prej prillit.

Ansambli Kombëtar i Egjiptit performoi në Pazarin historik të Gjirokastrës, krahas Ansamblit lokal “Lunxheria”, duke sjellë një atmosferë të pazakonte festive në “Qafën e Pazarit”.

Takimi i dy kulturave çeli siparin e aktiviteteve kultutore, që “TID”, një organizatë lokale do të sjellë përgjatë të gjithë sezonit turistik në Gjirokastër.

Dorian Llongo, njëri prej organizatorëve të kësaj shfaqjeje, tha se rijetëzimi i qendrës historike kërkon jetë aktive kulturore. Pritet që një seri koncertesh, që do të kulmojnë në korrik e gusht, të mbështeten nga donatorë të shumtë.

Pazari u përfshi nga ngjyrat e Ansamblit të Egjiptit dhe polifonia e vallet popullore të Jugut. Shumë turistë e vizitorë iu bashkuan festimeve dhe vallëzimit në qendrën historike, deri në orët e mbrëmjes.

Pjesë e takimit të të dy kulturave u bënë më shumë se 30 artistë dhe një numër vullnetarësh që do të angazhohen përgjatë të gjithë sezonit për të ndihmuar vizitorët.

commentFirst article
Sot mund të lexoni Shfletoni kopertinat