Shkrimtarja polake, Olga Tokarczuk fitoi çmimin ndërkombëtar “Man-Booker”, një vlerësim që shpërblen shkrimtarët, të cilët bazohen në ngjarje joreale, për librin e saj “Pelegrinët”.
Juria nxori në pah “imagjinatën” dhe “elegancën artistike’’ të Tokarczuk.
Autorja dhe përkthyesja do të ndajnë shumën prej 57 000 euro të çmimit për një vepër të botuar në vitin 2010 në versionin e saj në gjuhën franceze.
“Pelegrinët” (“Flights” në gjuhën angleze ) është një axhendë e udhëtimeve të mbledhura në një mori tekstesh të shkurtra për të formuar një panoramë të gjallë të jetës nomade, ku udhëtimi i preferuar i Frédéric Chopin mes Varshavës dhe Parisit të shekullit XIX ndeshet me udhëtimet e gjata të një kirugu flamand të shekullit XVII, Philip Verheyen.
E konsideruar si më e talentuara e romancierëve të gjeneratës së saj në Poloni, Olga Tokarczuk, 56 vjeçe, është autorja e dhjetëra veprave, të përkthyera në më shumë se 25 gjuhë të huaja dhe të vëna në skenë apo në ekranin e vogël.
