Një kitarë elektrike e Bob Dylan u shit dje për 495 000 dollarë në Nju Jork, gjatë një ankandi kushtuar ikonave të muzikës.
“Kitara, një Fender Telecaster e vitit 1965 që i përkiste Robbie Robertson, kitaristi i Bob Dylan, u përdor si nga Dylan ashtu dhe nga Eric Clapton dhe George Harrison”, sipas shtëpisë së ankandeve “Julien” që organizoi shitjen.
Ajo ishte vlerësuar rreth 400 000-600 000 dollarë.
Ajo shënoi ndryshimin nga këngëtari folk i “The Times They Are A-Changin'”, në atë elektrik me këngë si “Like a Rolling Stone”.
Mes kitarave të tjera të njohura të shitura dje bëjnë pjesë kitara e parë elektrike e George Harrison, një Hofner Club 40, shitur për 430 000 dollarë, apo një kitarë e Fender Telecaster me dru rozë e prodhuar për Elvis Presley në vitin 1968, vlerësuar 115 200 dollars.
Më shumë se 40 vjet pas vdekjes, objektet e “Mbretit” vazhdojnë të tërheqin.
Një rrip i Elvisit, shumë i dekoruar, që e kishte mbajtur në një koncert në Hawai në vitin 1972 u shit për 354 400 dollarë.
Një unazë diamanti në formë ylli, dhënë nga Elvisi për një admiruese gjatë në koncerti në vitin 1975, u vlerësua me 100 000 dollarë.
Shitja përmbante gjithashtu një numër të madh të veshjeve të skenës që ju përkisnin artistëve të ndryshëm si Elton John, Britney Spears apo Michael Jackson.
