Tashmë është bërë publike lista e plotë e anëtarëve të jurisë që do të jenë në Festivalin e Kanës, këtë vit.
Për këtë edicion i cili do të mbahet nga 8 deri më 19 maj, festivali ka ftuar 5 gra dhe 4 burra të 7 nacionalitete të ndryshme që vijnë nga 5 kontinente, nën direktivat e presidentes së jurisë Cate Blanchett, shkruan KultPlus.
Këtë vit në juri janë Cate Blanchett-President, ajo është aktore nga Australia dhe producente. Aktori nga Kina, Chang Chen. Shkrimtarja, regjisorja dhe producentja amerikane, Ava DuVernay. Regjisori, shkrimtari dhe producenti nga Franca, Robert Guédiguian. Pastaj kompozitorja, tekst shkruesja dhe këngëtarja, Khadja Nin. Aktorja franceze, Léa Seydoux. Aktorja amerikane Kristen Stewart. Shkrimtari dhe regjisori kanadeze, Denis Villeneuve si dhe shkrimtari dhe regjisori nga Rusia, Andrey Zvyagintsev.
