Ani, Kosovë, ani
dikush të errësonte qiellin
ti kërkoje diellin
dikush të errësonte hënën
ti kërkoje n?nën
nënën që të lindi
po që nuk të rriti
Ani, Kosovë, ani
ata të rripnin shtatin
Ti kërkoje fatin
ata të zinin pritës
Ti gjakoje dritën
ata të vrisnin ëndrrën
Ti këndoje këngën
Ani, Kosovë, ani
Ti lot i qiellit
Ti rreze e diellit
Ti lule e prillit
Ti shkëlqim i yllit
Ti jehonë e fyellit
Ani, Kosovë, ani
në shekuj brenga e halle
i munde me këngë-valle
një Ushtri e rrite
krenarinë e ngrite
tek fusha tek Mali
rojë vajza-djali
Ani, Kosovë, ani
Ti rrjedhë e Drinit
Plis i Boletinit
Ti lule e fushës
Ujëvarë e Mirushës
ke hyrë thellë në zemër
një këngë e një emër
Ani, Kosovë, ani
Ti do t'dridhësh detet
do t'takosh planetet
në këtë Stinë te Madhe
do t,ngrihesh shkallë-shkallë
me diell në dorë
me diell në ballë.
