Një mbrëmje fola pak
Heshta gjat’kohë
Fjala ishte tepër
Flitet dhe pa fjal’.
Një mbrëmje putha pak
Ndjeva gjat’...
Puthjet kurrë s'mjaftojnë
A bëra mëkat ?
ZEMËRIMI I HËNËS
Hëna një natë mu zemrua,
Një prush inati i ra në faqe,
Hënëz të vogël më quajti mua,
Kur me yjet më pa në bahçe.
SOT
Sot ngjaj me erën
që lëviz lehtë gjethet
ja shton dallgën detit
ledhaton flokët,
ëndrrat dhe mendimet
shtyn shumë larg teje
Sot ngjaj me erën
dua të të përkëdhel gjithçka
si era e lehtë e pranverës,
do të doja dhe erën ta përqafoja,
a përqafohet era?
KUR JE LARG MEJE
U mësova të të dua nga larg
Me mungesën tënde u mësova
frike kam kur të kthehesh prap
Do jesh ai që kështu u dashurova ! ?
Do më mungoj ndoshta largësia
Distanca është mall, loti nëpër sy
Kam frikë se kjo do t ' ishte dashuria
..., malli për ty !
U mësova të të dua kur të kam larg
Mos u afro shumë e mos më braktis.
Lermë të dorëzuar, rob në mall
..., për hirë të dashurisë!
ERA FRYNTE
Gishta, flokësh ngatëruar
Kaçurelave mrekulli
Era frynte ëmbël, shtruar
Unë e ndjeja si stuhi
Doja që ti rregulloja
Po nuk munda' nuk e di?
