Ambasada e Francës në Kosovë, në bashkëpunim me Teatrin Kombëtar dhe Baletin Kombëtar të Kosovës, ka kënaqësinë të ftojë publikun kosovar në një mbrëmje të jashtëzakonshme të shfaqjes së Baletit Preljocaj në Teatrin Kombëtar në Prishtinë. Të dy pjesët Un Trait d’Union & Création 2017 do të shfaqen të shtunën më 7 tetor në orën 20h00.
Angelin Preljocaj, koreograf francez me prejardhje shqiptare është sot një nga artistët më të shquar të vallëzimit bashkëkohor ndërkombëtar. Baleti i tij do të performojë në Prishtinë si pjesë e një turneu eksklusivnë Shqipëri dhe në Kosovë për prezantimin e premierës botërore të shfaqjes së tij të re « Création 2017 », e prezantuar në Francë me 21 shtator 2017.
Angelin Prejlocaj ka lindur në Francë në vitin 1957, nga prindër shqiptarë. Ai filloi studimet në vallëzim klasik para se të vazhdoj me vallëzimin bashkëkohor. Themeloi kompaninë e tij në dhjetor 1984. Që nga ajo kohë ka bërë koreografinë e 50 shfaqjeve, nga solo deri në format e mëdha. Krijimet e tij janë rimarr në repertorin e shumë kompanive, nga të cilat gjithashtu merr porosi, si për shembull nga La Scala e Milanit, nga Baleti i New York City dhe nga Baleti i Operës Kombëtare në Paris. Sot Baleti Prejlocaj përbëhet nga 24 valltarë dhe lokalizohet në Pavillon Noir në Aix-en-Provence prej tetorit 2006, një vend i dedikuar tërësisht për vallëzim, me Angelin Prejlocaj për drejtor artistik.
“Me mbështjejen e Teatroskopit në kuadër të FranceDanse Orient-Express. Teatroskopi është program i inicuar nga Instituti Francez, Ministria e Kultures dhe Ministria e Evropës dhe e Punëve të Jashtme”.