Prej motit të mbaj mend plot shend e verë
perlë e adhurimit tim purpur,
Nexhmije Pagarusha
emër i bekuar me rreze dielli praruar
Legjendë e Gjallë e Këngës Shqipe
në altarin e krenarisë.
Përherë e flakëruar hapëroje
si një yllnajë e pashuar që ndriqon shtigje
me zërin magjik cep më cep
dhuratë e shenjtë përëndie
që mori dhenë
edhe m’atë anë hartës së prangosur të atdheut.
Nuk kam si të të pikturojë ndryshe
në spikamën e vargësimit së dëlirë
pos si muzë frymëzimi
për ardhmërinë e ndritur,
ujëvarë e cemtë në orbitën e çelur
që erdhe në jetë me diellin pranverorë
me buzëqeshjen e majit rrëzëllues
stinës për t’i dhënë krah bulëzimi
për dehje hovesh me erreze zgjimi.
Shëmbëllimë në përmasa flakërimi
zëri yt gurrë e kristaltë në gurgullimë,
simfoni e dehur
imazhin tëndë rrëzëlloi
në përthëkim të trungut sublim
krejt mur e nur që nuk shuhet kurrë
etninë e thinjur me lashtësi shënjtërie.
Hënëplotë me buzëqeshje agu
skalitur deri në përkryerje përrallore
melodinë të komponuar e akordoje
në gjuhën shqipe me lashtësi të dëlirë
që të gjithë e kuptuan
e mrekulluan dhe e lakmuan,
është vlerë e traditës, thoje
përplotë histori shkrirë në hirësi.
Pjekurisë së shpërthyer
në rrjedha kulmore të çmuan
Bilbil i Kosovës të vlerësuan,
Nderi i Kombit,
Vulë e shekullit njëzet,
Ambasadore e vërtetë e këngës shqipe nëpër botë.
Populli nga thellësitë e zemrës
të thuri vargje të derdhura kurorë
me urata shpirti ta qëndisi falënderimin.
për përkushtimin tënd me ndjenjësi të rrallë.
Simbol i madhështisë së pëlcitur
të thanë edhe
Primadonë e Melosit Popullor.