Qeshja
(fletëz ditari 24 korrik 2015)
Kam qeshur njëherë
Nga fillimi i njëherit që nuk mbaron
Fusha e male u lëkunden në nisje
Për të hyrë në qeshje këtë herë
Edhe tërmete e Suname të trishtër
Shkuan drejt qeshjes se maskat po bijën
Gjërat që asnjëherë nuk kishin lëvizur,
Për të hyrë në qeshje lëvizën, përtej kufirit të saj
Njësi të parregullta kudo u shpërndanë
pa njohur ligjet e lëvizjes në këto anë.
Qeshja ishte për të vetmen gjë
Për fjalën dhe ofshamën
Sa e dhimbshme qeshja -
Në pritjet e mbrëmjeve e rëndë pesha e saj.
Shi e lule
(fletëz ditari 27.korrik 2015)
Kur nisem udhëve të mia
Litar i pashkëputur
Bie shi ditë e natë
Mbi tokën e blertë
E në shkretëtirë.
Ujë i turbullt
Rrëmbyeshëm vjen mbi udhët
Fundos brigje e gjurmë
Të gjitha para vetës i merr
Dhe i shtyn në trishtim…
Shkoj kah e panjohura
Thellësia e ujit mbi udhë
Udhëton me dritën
Nën degën e qershisë së lulëzuar.
Plagë e dhembje
(fletëz ditari 28korrik 2015)
Kur dielli perëndon,
Qielli shuhet ngadalë
Në zjarrin e përflakur
Dallëndyshet si në kob
Nisin lojën e vjetër
Të fluturimit lartë e poshtë
Nëpër qiellin
Si pikturë e arnuar
Festa zhurmon ndër mote
Me udhëtimet përtej deteve
Pa prekur ëndrrat dhe largësitë
Sa e venitur buzëqeshja
Nëpër plagë e dhembje.
