Morley Safer, intervistuesi dhe folësi legjendar i CBS News ka vdekur sot në moshën 84 vjeç.
Ai ka qenë sinonim i emisionit të lajmeve “60 Minutes”. Në CBS ishte bashkuar në vitin 1970 dhe gjatë gjithë kësaj kohe deri në muajin mars, ka kontribuar në 919 raporte.
Më parë, Safer, kishte shkruar në gazeta kandazez në vitet 1950, deri sa u bashkua me CBS, ku filloi si korrespodent në Londër, e shpejt u zhvendos në Saigon për të mbuluar Luftën e Vietnamit.
Gjatë karrierës së gjatë në gazetari, ai ka lënë edhe një libër të shkruar, “Flashbacks: On Returning to Vietnam”, të shkruar në vitin 1990.
